Medical store open karne ka real experience
medical store kholna matlab sirf dukaan kholna nahi, system chalana hai. Jo log isko simple retail samajhte hain wo 6–8 mahine me thak jaate hain.
Tu aap seriously karna chahta hai, to ye samajho:
Sabse pehla kaam jagah final karna nahi hai. Pehle area samajho.
aap 2–3 din nikal aur nearby 3–4 medical stores pe ja. Khade reh 20–30 min. Observe karo:
- log prescription leke aa rahe hain ya direct medicine bol rahe hain
- kaunsi medicines baar baar ja rahi hain
- kitna average bill ban raha hai
- shop pe rush kis time hota hai
Isse tujhe idea milega ki us area me medical store ka real flow kya hai.
Ab jagah.
Medical store wahi chalti hai jahan se log nikalte hi medicine lene jaate hain.
3 jagah best hoti hain:
- clinic ke bahar
- hospital ke aas paas
- heavy residential area jahan families zyada ho
“idhar koi medical nahi hai to main khol leta hoon” — ye logic mat use kar.
Zyada chances hai ki waha demand hi nahi hai.
Ab license.
Yaha compromise karega to baad me tension pakki.
Minimum kya chahiye:
- drug license
- registered pharmacist
Tu pharmacist nahi hai to banda rakhna padega. Ye optional nahi hai.
Aur haan, naam ke liye nahi — banda genuinely available hona chahiye.
Ab paisa.
Sab log underestimate karte hain.
Sabse mehenga part kya hai?
stock
Kyuki medical store me “nahi hai” bolna luxury nahi hai.
Customer aaya prescription leke:
agar tere paas 5 me se 3 hi medicines hain → wo dusri shop pe jayega
aur wapas nahi aayega
Isliye starting me hi strong stock rakhna padta hai.
Par yaha sabse badi galti hoti hai.
Log distributor pe depend ho jaate hain.
Wo bolta hai:
“ye bhi le lo, ye chalti hai, ye offer me hai”
Tu sab le leta hai.
Fir 2–3 mahine baad shelf pe items padhi rehti hain.
Expiry start.
Loss.
Sahi approach:
- fast moving medicines bulk me
- slow moving demand pe
Fast moving kya hoti hain:
- fever, cold, pain
- BP, sugar
- basic antibiotics
Ye roz bikti hain.
Ab daily ka real kaam.
Tu soch raha hoga dukaan khol ke baithna hai.
Par actual me:
- stock check karna
- expiry check karna
- distributor ko order dena
- customers handle karna
- billing manage karna
Aur sabse important — availability maintain karna
Agar 3 baar customer ko “nahi hai” bola
wo dusri shop shift ho jayega permanently.
Profit
Straight.
Medicines pe margin zyada nahi hota:
- 10–15% normal
- generic pe zyada milta hai
Isliye volume important hai.
Starting me:
- 20–30k profit bhi normal hai
Set hone ke baad:
- 50k–1 lakh/month
Par ye automatic nahi aata.
customer maintain
repeat customer
Agar ek banda BP ya sugar ka patient hai, wo har mahine medicine lega.
Agar wo tujhe fix ho gaya → wo tera monthly income ban gaya.
Isliye:
- usko sahi medicine de
- confuse mat kar
- overcharge mat kar
Trust ban gaya to banda khud nahi jayega dusri shop pe.
Galtiyan mat karo ye wali
- galat jagah
- random stock bharna
- expiry ignore karna
- customer ko lightly lena
Ye 4 cheeze business ko dheere dheere khatam karti hain.
ye Simple baat samaz lo
Medical store:
- flashy business nahi hai
- par stable hai
Agar tu:
- sahi jagah choose kare
- stock samajh ke rakhe
- patience rakhe
to ye long term me set ho jata hai.
Comments
Post a Comment